जिल्हा इस्पितळ आवारात स्वच्छता अभियान राबवत अनेक सामाजिक संघटनांनी जिल्हाधिकाऱ्यांना निवेदन देत अस्वच्छतेची तक्रार केली आहे.स्वच्छ भारत अभियान अंतर्गत जिल्हा इस्पितळाच्या आवाराची स्वच्छता करताना शौचालया जवळ बिअरच्या बाटल्या आणि गुटखा पाकिटांचे ढीग मिळाले.याविषयी जिल्हा इस्पिटलाचे प्रमुख कळसद याना अनेक संघटनेच्या कार्यकर्त्यांनी विचारले असता त्यांना उडवाउडवीची उत्तरे मिळाली.
जिल्हा इस्पितलच्या एकूणच काराभरविषयी जनतेत नाराजी आहे.त्यात तेथील स्वच्छतेचे देखील तीनतेरा वाजले आहेत.इस्पितळ देखील अस्वच्छ असते.त्याविषयी तेथील कर्मचाऱ्यांना विचारले असता कोणाला सांगता सांगा असे उद्धटपणाचे उत्तर देखील कार्यकर्त्यांना मिळाले.
जीवन मुखी फाऊंडेशन ,जीवनसेवा फाऊंडेशन,शर्मेंद्र फाऊंडेशन,इच्छा फाउंडेशनच्या कार्यकर्त्यांनी आज जिल्हा इस्पितळ आवार स्वच्छ करण्याची मोहीम हाती घेतली होती.हा सारा प्रकार पाहून त्यांनी निदर्शने करून जिल्हा इस्पितळ कारभार आणि अस्वच्छते बद्दल जिल्हाधिकाऱ्यांना निवेदन दिले.जिल्हा इस्पितळाची अस्वच्छते पहाणी मुख्यमंत्र्यांचे राजकीय सचिव शंकर गौडा पाटील हे मंगळवारी करणार आहेत.
