शनिवारी शहराच्या मध्यवर्ती भागात दौडी ला उदंड प्रतिसाद लाभला हजारोंच्या संख्येने दौडीत सहभागी होऊन युवा वर्गाने दौड यशस्वी केली. धर्मवीर संभाजी महाराज चौक येथे उत्तर भागाचे आमदार अनिल बेनके यांच्या हस्ते पुजन करून दौडीचा ध्वज चढवण्यात आला
शहरातील विविध गल्लीतून ही दौड सर्वांचे मन जिंकुन घेतली .स्वयंस्फुर्त होणाऱ्या स्वागत मुळे दौडी ला अजून महत्व प्राप्त झाले दौडी मध्ये पारंपारीक वेषभूषा करून सहभागी झालेला युवा वर्ग लक्षवेधी ठरला होता. बापट गल्ली येथील महिलांनी सादर केलेल्या सजीव देखव्याने (पाळणा)सर्वांचे लक्ष वेधून घेतले.
श्री शिवप्रतिष्ठान हिंदुस्थानतर्फे आयोजित दुर्गा माता दौड च्या जागराने अवघ्या शहर परिसतात चैतन्यादायी वातावरण निर्माण झाले आहे .छत्रपती शिवाजी महाराज, धर्मवीर संभाजी महाराज यांच्या जयघोषाने बेळगावकारांची पहाट सुरू होत आहे .
शहराच्या मध्यवर्ती भागात प्रमुख गल्ली व मार्गावरून निघालेल्या या दौडीत शिवरायांचा अखंड गजराने परिसर दुमदुमून गेला होता . ठिकठिकाणी सुवासिनींनी आरती ओवाळून परम पवित्र भगव्या ध्वजाचे पूजन केले.महिला आघाडीच्या अध्यक्षा रेणू किल्लेकर आदी सहकारी महिलांनी दौडीचे स्वागत जल्लोषी केलं.
संयुक्त महाराष्ट्र चौक येथे मारुती मंदिरात पोलीस निरीक्षक धीरज शिंदे , सुधीर गाडगीळ, कृष्णा भट, हेगडे यांच्या हस्ते आरती करून दौडीची सांगता करण्यात आली.
उद्या रविवारीची दौड :
आंबामाता मंदिर बॅ. नाथ पै सर्कल शहापूर ते बसवेश्वर सर्कल गोवावेस
