बेळगाव live आयोजित सेल्फी विथ बाप्पा स्पर्धेचे बक्षीस वितरण ,विधायक गणेशोत्सव मंडळ आणि उल्लेखनीय कार्य करणाऱ्या नागरिकांचा सत्कार असा संयुक्त कार्यक्रम उद्या होणार आहे .
येथील नरगुंद चौकातील सार्वजनिक गणेशोत्सवाच्या मंडपात या कार्यक्रमाचे आयोजन करण्यात आले आहे. या स्पर्धेचे प्रायोजक जिल्हा पंचायतीचे शिक्षण व आरोग्य स्थायी समितीचे अध्यक्ष रमेश गोरल यांच्या प्रमुख उपस्थितीत हा कार्यक्रम होणार असून जिल्हा पंचायत सदस्य सरस्वती पाटील,सीटीजन कौन्सिलचे अध्यक्ष सतीश तेंडुलकर व नरगुंदकर भावे चौक गणेशोत्सव मंडळाचे बाळासाहेब काकतकर यांच्या उपस्थितीत हा कार्यक्रम होणार आहे .
या स्पर्धेला नागरिकातून मोठा प्रतिसाद मिळाला .त्यामुळे बेळगाव शहर बेळगाव ग्रामीण बेळगाव दक्षिण खानापूर त्याचप्रमाणे विदेशातून आलेल्या सेल्फी पैकी उत्कृष्ट सेल्फीना बक्षीस वितरण करण्यात येणार आहे. शहरात विधायक काम करणाऱ्या सार्वजनिक गणेशोत्सव मंडळ यांचा सत्कार करण्यात येणार आहे .
त्याचबरोबर उल्लेखनीय काम केलेल्या व्यक्तींचा सत्कार या कार्यक्रमात होणार आहे. नागरिकांनी आणि सर्व स्पर्धकांनी सायंकाळी पाच वाजता वेळेत उपस्थित राहावे असे आवाहन टीम बेळगाव live करत आहे.
