दुचाकी आणि आटो रिक्षाच्या धडकेत सांबरा येथील दुचाकीस्वार युवक जागीच ठार झाल्याची घटना पोतदार शाळेजवळ घडली आहे.बुधवारी दुपारी सांबरा रोड पोदार स्कूल जवळ घडली. सुनिल बसाप्पा यड्डी ( रा. मारुती गल्ली, सांबरा, वय 30)असे मृत युवकाचे नाव आहे.
पोलिसांनी दिलेल्या माहितीनुसार सुनील हा काही कामानिमित्त बेळगावला आला होता. काम संपवून घरी परत सांबराकडे जाताना असताना पोदार स्कूल जवळ समोरून येणाऱ्या आटो रिक्षाला जोराची धडक बसली.
या अपघातात सुनीलच्या डोक्याला गंभीर दुखापत झाली. अतिरक्तस्राव झाल्याने जागीच त्याचा मृत्यु झाला. उत्तर रहदारी पोलिसांसात घटनेची नोंद झाली आहे.पश्चात दोन मुली व पत्नी आईवडील असा परिवार आहे
