सध्या बेळगाव ग्रामीण मतदार संघाच्या आमदार लक्ष्मी हेब्बाळकर या भाजप मध्ये जाणार अशी अफवा पसरली आहे. या बद्दल भाजप चे राज्य प्रमुख बी एस एडीयुरप्पा यांनी मजेशीर प्रतिक्रिया दिली आहे. जिच्यामुळे काँग्रेस पक्ष फुटून बंडखोर आमदार भाजपच्या गोटात येत आहेत त्याच महिलेला आम्ही पक्षात घेऊन काय करू? असा प्रश्न त्यांनी पत्रकारांना विचारला आहे.
काँग्रेस पक्ष ज्या व्यक्तींमुळे दुभंगला त्यांना आम्ही भाजप मध्ये घेतले तर आमचा पक्षही फुटल्याशिवाय राहणार नाही. असेच त्यांनी सुचविले आहे.आम्ही इतके मूर्ख नाही असेही एडीयुरप्पा म्हणाले असून खास पेरलेली अफवा फुकट गेल्याची चर्चा राजकीय वर्तुळात आहे.
अनेक काँग्रेस आमदार भाजपच्या वाटेवर असताना ग्रामीण आमदार लक्ष्मी हेब्बाळकर या भाजपच्या वाटेवर आहेत अशी अफवा सुरू झाली होती यावर भाजप प्रदेशाध्यक्ष बी एस येडीयुराप्पा यांना विचारलं असता जारकीहोळी बंधुत असलेल्या तेढामुळे काँग्रेस आमदार भाजपकडे येत आहेत हा तेढा लक्ष्मी यांच्या मूळे झालाय त्यांना कसे काय भाजप मध्ये घेऊ असा प्रति प्रश्न त्यांनी केला.
