मंगळवारचा दिवस आणि आज सकाळी कॅन्टोन्मेंट भाजी मार्केट मध्ये सकाळचे व्यापार बंद असल्याने गर्दी कमी असते. दुपारी 12 नंतर मंगळवारी व्यापार सुरू होतात, या पार्श्वभूमीवर मंगळवारी सकाळी पासूनच पोलीस बंदोबस्त ठेवण्यात आला आहे,
भाजी पाला घेऊन येणाऱ्या गाड्या कॅन्टोन्मेंट भाजी मार्केट कडे जाऊ न देण्याची प्रशासनाची योजना आहे की काही अनुचित घडू नये म्हणून पोलीस बंदोबस्त आहे? हे अजून कळलेले नाही.
कॅन्टोन्मेंट भाजी मार्केटला जाण्यासाठी मार्केट पोलीस स्थानक ते फोर्ट रोड, सर्किट हाऊस ते फोर्ट रोड आणि ब्रिज मार्गे फोर्ट रोड असे तीन मार्ग आहेत, या मार्गांवर ब्रिज आणि सर्किट हाऊस समोर पोलीस बंदोबस्त ठेवण्यात आला आहे.
एपीएमसी मध्ये भाजी मार्केट बांधण्यात आले असून येथील मार्केट बंद करून तिकडे जा अशी प्रशासनाची सूचना आहे पण भाजी पाला व्यापारी व दलालांनी याला विरोध केला आहे तसेच आम्ही कॅन्टोन्मेंट भाजी मार्केट मध्येच व्यापार करणार असा इशारा दिला आहे, यामुळे आता प्रशासन आज कुठली कारवाई करणार आहे? हे दुपार नंतर कळणार आहे, व्यापारी वर्गाने आपले आंदोलन शांततेच्या मार्गाने करण्याचा निर्णय घेतला असल्याची माहिती मिळाली आहे.
