तालुका पंचायतीचा कारभार वारंवार चव्हाट्यावर येत असतानाच आता एक नवीन घटना उघडकीस आली आहे. तालुका पंचायतीच्या वरिष्ठ अधिकाऱ्यांनी होळी दिवशी कार्यालयातच पार्टी केल्याची चर्चा सध्या जोरदार सुरू आहे. त्यामुळे या अधिकाऱ्यावर कारवाई होणार का? असा प्रश्न निर्माण झाला आहे.
अशा घटना वारंवार घडत असताना देखील याकडे कानाडोळा करून जिल्हा परिषदेचे वरिष्ठ अधिकारी दुर्लक्ष करत असल्याने संताप व्यक्त करण्यात येत आहे.
तालुका पंचायत मध्ये होळीच्या निमित्ताने जंगी पार्टी झाल्याची चर्चा सुरू असतानाच यामध्ये एक वरिष्ठ अधिकारी एक अभियंता आणि एका पिडिओचा सहभाग होता. तालुका पंचायत कार्यालयामध्ये बसून होळीचा सण साजरा केल्याचे सामोरे आले आहे. अशा घटना घडत असताना देखील काही अधिकाऱ्यांनी याकडे कानाडोळा केला आहे. अनेक वेळा अशा घटना घडून देखील याकडे कानाडोळा करण्यात येत आहे असा सवाल उपस्थित होत आहे.
मागील वेळी देखील अशाच प्रकारची घटना घडली होती. तालुका पंचायतच्या एका कर्मचारी महिला वर्गाने थर्टी फर्स्ट साजरा केल्याची घटना घडली होती. याचे पडसाद सर्वसाधारण बैठकीतून दिसून आले होते. त्यावेळी त्या महिलेवर कारवाई करण्यात आली होती. तत्कालीन कार्यकारी अधिकारी ए आर हालसोडे यांनी ही कारवाई केली होती. मात्र सध्या होळीनिमित्त झालेल्या पार्टीच्या पार्श्वभूमीवर संबंधित अधिकाऱ्यांवर कारवाई होणार का? असा सवाल उपस्थित होत आहे.
संपूर्ण तालुक्यात कारभार चालवणाऱ्या तालुका पंचायत मध्ये अशा प्रकारच्या घटना काही नवीन नाहीत वारंवार अशा घटना घडत असतात एक वरिष्ठ अधिकारी अभियंता आणि पीडिओच्या या गलथान कारभारामुळे संताप व्यक्त होत असतानाच यापुढे देखील अशा घटना घडल्यास त्याला जबाबदार कोण? असा सवाल उपस्थित होत आहे. त्यामुळे संबंधितावर कारवाई होणे गरजेचे असल्याचे मत त्यातून व्यक्त करण्यात येत आहे. सध्या तालुका पंचायत कार्यकारी अधिकारी प्रशांत यांनी याकडे गांभीर्याने लक्ष देऊन त्याची चौकशी करावी अशी मागणी जोर धरू लागली आहे.
