कारची ट्रकला धडक : सासु सासरे सुन आणि नातवाचा मृत्यू
खानापूर बिडी रस्त्यावरील हेब्बाळ गावानजीक बिडी बेळवणकी राज्य महामार्गावर आज सायंकाळी साडेसहा वाजता भीषण अपघात झाला. या अपघातात मुळचे ताडपत्री आंध्र प्रदेश व सध्या बेंगळुरू येथे स्थायिक असलेल्या एकाच कुटुंबातील चार जण ठार झाले.
दुलेखान डी. एस वय 60, त्यांची सुन हजरतबी वय 32, नातू झायदअब्बास वय 6 हे तिघेजण जागीच ठार झाले. तर दुलेखान यांची पत्नी चांदबी 58 यांचा बेळगाव सिव्हिल ईस्पितळात उपचार सुरूअसताना रात्री 10 मृत्यू झाला.
दुलेखान कुटुंबातील सदस्य गोवा फिरण्यास गेले होते. दोन दिवस प्रवास करुन आज कित्तूर मार्गे ते बेंगलोरला परत निघाले होते. दरम्यान हेब्बाळ गावाजवळ खड्डा चुकवताना कार अचानक ट्रकसमोर आली. अन कारच्या मधोमध भरधाव वेगाने येणाऱ्या ट्रकची धडक बसली. कारमधील एका बाजुचे प्रवासी त्यातच अडकल्याने त्यापैकी तिघांचा जागीच मृत्यू झाला.
या अपघातात दुलेखान यांचा मुलगा कारचालक जहीरअब्बास वय 35 व मोठा नातू जुनेदअहमद वय 9 हे दोघे जखमी झाले आहेत. त्यांच्यावर बेळगाव येथील दवाखान्यात उपचार सुरू आहेत.
