बेळगाव येथील प्रसिद्ध डॉ सोनाली सरनोबत यांना बंगळूर येथील मानाचा आय आय बी ए 2019 पुरस्कार देण्यात आला आहे.
लीला पॅलेस हॉटेल येथे पुरस्कार वितरण झाले.
बेंगलोर येथील माईनमेरटेक डॉट कॉम यांच्यावतीने प्रतिवर्षी विविध क्षेत्रात उल्लेखनीय कामगिरी बजावणाऱ्या महिलांना इंडियन आयकॉन बिझनेस अवोर्ड़ दिला जात असतो.यावर्षी हे बंगलोर येथील लीला पॅलेस हॉटेल येथे पार पडलेल्या शानदार सोहळ्यात डॉक्टर सोनाली सर्नोबत यांना सुप्रसिद्ध अभिनेत्री तनाज इराणी यांच्या हस्ते इंडियन आयकॉन बिझनेस अवोर्ड प्रदान करण्यात आला.
डॉक्टर सरनोबत यांनी वैद्यकीय व्यवसायात केलेली उल्लेखनीय कामगिरी त्याचबरोबर नियती फाउंडेशन च्या माध्यमातून तरुण पिढीला प्रोत्साहन देणारे हाती घेतलेले कार्य याचबरोबरीने बेळगाव परिसरातील महिलांच्या कलागुणांना वाव देण्यासाठी त्यांनी निरंतर चालविलेल्या होम मिनिस्टर कार्यक्रमाची दखल घेत त्यांना सदर पुरस्कार प्रदान करण्यात आला आहे.
डॉक्टर सरनोबत यांनी केलेल्या उल्लेखनीय कार्याची दखल कार्यक्रमाला उपस्थित मान्यवरांनी घेतली. कार्यक्रमात उपस्थित तनाज इराणी यांच्यासह अन्य मान्यवरांनीही डॉक्टर सरनोबत यांनी हाती घेतलेल्या कार्याबद्दल मुक्त कंठाने प्रशंसा व्यक्त केली. डॉक्टर सोनाली सरनोबत यांना मिळालेला पुरस्कार बेळगावच्या समस्त महिला वर्गासाठी प्रेरणादायी आहे. त्यांना मिळालेल्या पुरस्काराबद्दल डॉक्टर सोनाली सर्नोबत यांचे सर्व स्तरातून अभिनंदन व्यक्त केले जात आहे.
