टिळकवाडी पोलीस स्थानक कार्यक्षेत्रात चोरीच्या घटना वाढत असताना पुन्हा एक मोठी चोरी उघडकीस आली असून गुरुद्वारा शेजारील घरात लूट करून चोरट्यांची साडे आठ लाखांची लूट केल्याचे उघड झाले आहे.शुक्रवारी दुपारी ही घटना उघडकीस आली आहे.
या घटनेबाबत समजलेल्या अधिक माहितीनुसार चोरट्यांनी गुरुद्वारा मधील दान पेटी लुटल्याचे समोर आले होते त्या नंतर घरातील लूट समोर आलो आहे.प्रा. मृणालिनी रायमाने यांच्या घरात चोरी झाली आहे. घरात कोणीही नसलेले पाहून चोरट्यांची या घरावर डल्ला मारला आहे. प्रा. मृणालिनी यांचे कुटुंब कोल्हापूर बंगळुरू फिरायला गेले होते चार दिवसा पासून ते घरी नव्हते ही संधी साधुन चोरी झाली आहे.
पोलिसांनी दिलेल्या माहितीत एकूण 8 लाख 27 हजार रुपयांचा ऐवज असून त्यात 311 ग्राम दोन 72 हजार रोख रक्कम ,300 ग्राम चांदी सामील आहे.बेळगाव शहराच्या उच्चभ्रू लोकांची वस्ती असलेल्या टिळकवाडी विभागात सध्या चोऱ्या वाढल्या आहेत. शीख लोकांचे पवित्र ठिकाण असलेल्या गुरुद्वाराच्या दानपेटीवर चोरट्यांनी हातसफाई केली आहे. यामुळे आता पोलीस स्थानकापासून हाकेच्या अंतरावरही चोरी होत असताना पोलिसांना कळत नसल्याचे स्पष्टपणे उघड झाले असून टिळकवाडी पोलीस आपल्या जबाबदारीत फेल ठरले आहेत.
वरिष्ठ पोलीस अधिकाऱ्यांनी टिळकवाडी भागात राहणाऱ्या लोकांच्या सुरक्षिततेच्या बाबतीत विचार करून कुचकामी अधिकाऱ्यांची बदली करावी व टिळकवाडी पोलीस स्थानकाला फेल मधून पास करावे अशी गरज आहे.
