पोषण आहार ठेकेदारांना हवा चाप अशी बातमी बेळगाव live ने प्रसिद्ध केल्यानंतर आज जिल्हाधिकाऱ्यांनी माधान्य आहार संबंधीत अधिकाऱ्यांची झाडाझडती घेतली आहे.
प्राथमिक शाळाना पोषक आहार देण्यासाठी सरकारने विविध संस्थाना कंत्राट दिले आहे. मात्र दर्जाहीन आहार असल्याने अनेक मुलांनी याकडे पाठ फिरवली असून कंत्राटदार आणि अधिकाऱ्यांचे साटेलोटे असल्याची धक्कादायक माहिती मिळाली आहे. याबद्दल जिल्हाधिकाऱ्यांनी तीव्र नाराजी व्यक्त केली असून याकडे लक्ष देऊन गैर कारभार करणाऱ्यांवर कारवाईचे आदेश दिले आहेत.
माध्यान्य आहार हा प्रत्येक सरकारी शाळांना पुरविण्यासाठी एनजीओना याचे कंत्राट देण्यात आले आहे. मात्र एक कंत्राटी ठेकेदारानी अनेक विद्यार्थ्यांचा जीव टांगणीला धरत असल्याचे प्रकार सामोरे आले आहेत. त्यामुळे अशा ठेकेदारांवर कठोरात कठोर कारवाई करावी, अशी सूचना करण्यात आली आहे.
काही ठिकाणी तर माध्यान्य आहारात आळी, पाल आणि काही कीटक देखील आढळले आहेत. निकृष्ट दर्जाचे साहित्य खरेदी करून आपला खिसा गरम करण्यावर अनेक ठेकेदार आणि संबंधित अधिकारी धन्यता मानत असल्याचे दिसून येत आहे. याचा विचार गांभीर्याने करावा अशी सूचना दिली आहे.
माध्यान्य आहार चा दर्जा वाढविण्याचे सोडून आपल्याला कसा फायदा मिळेल यावरच अधिकतर भर देण्यात येत आहे. यामुळे हा प्रकार कोण रोखणार असा प्रश्न निर्माण झाला होता. ठेकेदार आणि अधिकारी यांचा मिलीभगत मुळॆ मुलांचा आरोग्याचा प्रश्न उपस्थित केला जात असून यापुढेतरी याचा विचार करून दर्जेदार आहार देण्यावर भर देण्याची गरज निर्माण झाली आहे, याकडे आता जिल्हाधिकाऱ्यांनी लक्ष दिल्याने काहीतरी परिणाम होईल अशी अपेक्षा आहे.
21 फेब्रुवारी ला live पोषण आहार ठेकेदार पोल खोल केलेली बातमी खालील लिंक मध्ये
