गांजाच्या नशेत फिरत घरासमोर लावलेली दुचाकी वाहने पटेवणारे आणि दुचाकी वाहने चोरणारे दोघे अट्टल गुन्हेगारांचा पर्दाफाश मार्केट पोलिसांनी केला असून त्यांना गजाआड केले आहे. अनिस सलीमसाब मिर्जाभाई रा.न्यू गांधी नगर व हताश अब्दुल सत्तार हवालदार रा. उजवल नगर बेळगाव या अटक केलेल्या युवकांची नावे आहेत.
बेळगाव शहरातील अति संवेदनशील असलेल्या कामत गल्ली कसाई गल्ली आणि जालगार गल्ली भागातील रात्रीच्या वेळी घरा समोर लावलेल्या दुचाकी जाळलेल्या जोडगोळीला मार्केट पोलिसांनी अटक करून त्यांच्या जवळील चोरी केलेल्या सात दुचाकी देखील जप्त केल्याआहेत.केली आहे.
ते दोघेही रात्रीच्या घरा समोर पार्क केलेल्या गाड्या रॉकेल ओतून जाळत होते नेहमी गांजाचा नशा करून ते फिरत असत अशी कबुली त्यांनी पोलीस तपासात दिली आहे.कामत गल्ली भागात त्यांना संशयास्पद रित्या फिरताना ताब्यात घेऊन चौकशी केली असता त्यांचे काळे कृत्य बाहेर आले आहे.
मार्केट ए सी पी एन व्ही भरमनी यांच्या नेतृत्वात मार्केट पोलीस निरीक्षक विजय मुरगुंडी आदी सहकाऱ्यांनी ही कारवाई केली आहे . पोलीस आयुक्त डी सी राजप्पा यांनी तपास करणाऱ्या पोलिसांचे अभिनंदन केले आहे.गेल्या चार दिवसांपूर्वी जालगार गल्ली येथील दुचाकी जाळली असल्याची कबुली देखील त्यांनी दिलीय.या प्रकरणी मार्केट पोलिसांत गुन्हा नोंद झाला असून आरोपी युवकांची कारागृहात रवानगी झाली आहे.
