डोंबारी समाजातील आकाश लाखे हा पहिला इंजिनिअर
जीवनात प्रत्येकास आव्हानाना सामोरे जावे लागते परंतु यश मिळवण्याच्या दुर्दम्य ईच्छाशक्तीमुळे अनेक अडचणींवर मात करून यशस्वी होणे ही तितकी सोपी गोष्ट नाही. पण रोज प्लास्टिक, पुठ्ठे,भंगार गोळा करून आपली उपजीविका चालवणाऱ्या कुटुंबात जन्माला आलेला आकाश लाखे हा तरुण त्याला अपवाद आहे.घरची हलाखीची परिस्थिती, घरी कोणीच शिक्षित नाही. त्यांच्या समाजात फारसं कुणीच उच्च शिक्षित नसताना फक्त आणि फक्त स्वतःच्या इच्छाशक्तीच्या जोरावर बीई इलेक्ट्रॉनिक्स ही पदवी संपादन केली आणि या अशिक्षित समाजातील पहिला इंजिनिअर होण्याचा मान आकाशने मिळविला.
उच्च शिक्षण घेण्याची जिद्द आणि कठोर परिश्रमामुळेच आकाश हा डोंबारी समाजातील एक विद्यार्थी इंजिनिअर होऊ शकला.
त्याच्या पावलावर पाऊल ठेऊन त्याची बहीण सुध्दा इंजिनिअरिंग चे शिक्षण घेत आहे.
त्याच्या या कामगिरीचे कौतुक करून आकाशचा जायंट्स ग्रुप ऑफ बेलगाम मेनच्या वतीने अध्यक्ष सुनील भोसले यांनी शाल, श्रीफळ,स्मृतिचिन्ह देऊन गौरव केला.
याप्रसंगी आकाश लाखे ला मोहन सर्वी,प्रकाश कदम सुनिल भोसले, प्रदिप चव्हाण आणि अशोक हलगेकर यांनी भावी वाटचालीस शुभेच्छा दिल्या.
