थकीत ऊस बिलासाठी जिल्हाधिकारी कार्यालया समोर शेतकऱ्यांच्या आंदोलनात सहभागी झालेल्या त्या शेतकरी महिला नेत्याच्या डोळ्यात पुन्हा एकदा आलेले अश्रूनी पुन्हा एकदा सर्वांचे लक्ष वेधून घेतल आहे. या अश्रुंचे कारणही तितकेच महत्वाचे आहे.
जयश्री गुरणणावर या महिला शेतकरी नेत्यास अनाम पत्र आलं असून त्या पत्रात तिला अर्वाच्च अश्लील शिवीगाळ करण्यात आली आहे.
मागील आठवड्यापूर्वी झालेल्या शेतकऱ्यांच्या आंदोलनात तिने मुख्यमंत्री एच डी कुमार स्वामी यांना ‘नालायक सी एम’असा उल्लेख केला होता म्हणून पत्र लिहिलंय असं पत्रात लिहिण्यात आलंय असे सांगत ती पुन्हा एकदा रडली आहे.माध्यमा समोरच तिने हे पत्र रिलीज करत डोळ्यातून अश्रु काढले.
येडीयुरप्पा यांच्याशी संगनमत करून एच डी कुमार स्वामी यांच्या बद्दल अपशब्द काढत आहेस असा उल्लेख देखील पत्रात करण्यात आला आहे.जयश्री हिने या अनाम पत्राची चौकशी करावी अशी मागणी करत त्या अज्ञात व्यक्तीवर कारवाई करा अशी फिर्याद मार्केट पोलिसात दाखल केली आहे.
गेल्या आठवडाभरा पूर्वी देखील ढसा ढसा रडत तिने मुख्यमंत्री कुमार स्वामी यांच्या टीकेला प्रत्त्युत्तर दिले होते त्या नंतरच सदर महिला नेता प्रकाश झोतात आली होती या अज्ञात पत्राद्वारे ती पुन्हा एकदा चर्चेत आली आहे.आज शेतकऱ्यांच्या आंदोलनाचा पहिला दिवस होता उद्या पासून अधिवेशन संपेपर्यंत या आंदोलनात अनेक वळणं येणार आहेत त्याची झलक म्हणावी लागेल हे नक्की!
