रामलिंग खिंड गल्ली आणि खडे बाजार पोलीस स्थानक कार्यक्षेत्रात रस्त्यावर लावलेल्या गाड्यांच्या काचा फोडणाऱ्याना खडे बाजार पोलिसांनी अटक केली आहे. या प्रकरणी पोलिसांनी चार जणांना अटक केली असून ते रात्रीच्या वेळी घरा समोर लावलेल्या कारच्या ग्लास फोडत होते.
पोलिसांनी दिलेल्या माहितीनुसार या प्रकरणी रामलिंगखिंड गल्लीतील श्रीधर पद्मननवर आणि मुजावर गल्लीतील अनवरअली मस्केवाले यांनी दिलेल्या फिर्यादी वरून खडे बाजार पोलिसांनी ही कारवाई केली आहे. कारच्या काचा फोडून दोन समाजात अशांतता निर्माण करण्याचा अटक केलेल्यांचा कट होता अशी माहिती देखील पोलीस तपासात उघड झाली आहे.
पोलिसांनी रामचंद्र प्रमोद मुचंडी (19)अभिजित गजानन नावगेकर(26)किसन नारायण सांगडे(26)स्वप्नील चंद्रकांत देसुरकर(22) यांना अटक केली आहे.रामलिंगखिंड गल्ली,शेरी गल्ली भागात कार आटो रिक्षाच्या काचा फोडण्यात आल्या होत्या त्यामुळं लोकांत चीड होती आता आरोपींना गजाआड केल्यामुळं असले प्रकार थांबतील अशी अपेक्षा आहे.
हेमू कलानी चौकात बसवलेल्या सी सी टी व्ही फुटेज मध्ये सदर आरोपी रात्रीच्या वेळी संशयास्पद रित्या फिरताना कैद झाले होते त्यामुळे त्यांना ताब्यात घेऊन चौकशी केली असता त्यांनी गाड्यांच्या काचा फोडल्याची कबुली दिली आहे.
