राज्य मंत्रिमंडळात मंत्री पद गमावलेले नाराज गोकाकचे आमदार माजी मंत्री रमेश जारकीहोळी मुंबईला रवाना झाले असल्याची माहिती मिळत आहे.मंत्रिमंडळ विस्तार नंतर आगामी आठ दिवसात आमदारकीचा राजीनामा देऊ असे वक्तव्य केल्या नंतर ते अजूनही मीडियाच्या समोर आले नाहीत काल बी एस येडीयुरप्पा यांची गुप्त ठिकाणी भेट घेतली असल्याची चर्चा होती मात्र त्याला दुजोरा मिळाला नव्हता.
या सगळ्या घडामोडी घडत असताना गुरुवारी रमेश जारकीहोळी हे मुंबईला गेले असल्याची बातमी आली आहे. राजकीय धोरण समोर ठेवूनच ते मुंबईला गेले आहेत गुरुवारी रात्री ते मुंबईत महाराष्ट्राचे मुख्यमंत्री देवेंद्र फडणवीस यांची भेट घेऊन बैठक करणार आहेत अशी शक्यता आहे महाराष्ट्र भाजपच्या नेत्यांशी चर्चा करणार आहेत त्यानंतर भाजपात सामील होण्याबाबत चर्चा करणार आहेत अशीही शक्यता आहे.
हुक्केरीचे आमदार माजी मंत्री उमेश कत्ती यांनी 24 तासांत काँग्रेस जे डी एस सरकार पडेल असे भाकीत केले होते त्यानंतर 24 तासाच्या आतच नाराज जारकीहोळी यांच्या मुंबई दौऱ्याची बातमी आली आहे.ऑपरेशन कमळ ची पुन्हा सुरुवात झाली आहे का?अशीही चर्चा राजकिय वर्तुळात रंगत आहे.
कर्नाटकात राज्यात पुन्हा भाजपचे सरकार अस्तित्वात आणण्यासाठी मागील काही दिवसांपासून ते सार्वजनिक बांधकाम मंत्री चंद्रकांत दादा पाटील यांच्या संपर्कात आहेत. रमेश जारकीहोळी यांच्याकडे नाराज आमदार आहेत दादा पाटील आणि फडणवीस यांच्या मध्यस्थीनेच काँग्रेस सरकार पाडवून पुन्हा कर्नाटकात भाजप सरकार आणण्याचे प्रयत्न सुरू आहेत का हा प्रश्न देखील या निमित्ताने उपस्थित आहेत.
