बेळगाव विमान तळ ब्रिटिश काळातील एक जून ऐतिहासिक असं विमान तळ आहे सध्या विस्तारीकरणा नंतर उत्तर कर्नाटकातील सर्वात मोठं आणि लांब धावपट्टी असलेलं विमान तळ बनलंय या एअर पोर्ट समोर 100 फूट उंच तिरंगा राष्ट्रध्वज फडकणार असल्याने विमानतळाच्या सुंदरतेत अधिक भर पडणार आहे.
विमान तळाच्या टर्मिनल आवारात 100 फूट उंच ध्वज हा 15 आगष्ट स्वातंत्र्यदिनाच्या निमित्ताने फडकवला जाणार आहे या ध्वजरोहणाची यशस्वी चाचणी घेण्यात आली.भारतीय विमान उड्डाण प्राधिकरणाचे कर्मचारी हा ध्वज फडकवण्यासाठी विशेष परिश्रम घेत आहेत. खास मुंबईहुन आणून 20 बाय 30 फुटांचा कापडी तिरंगा ध्वज आणण्यात आलाय.आगामी स्वातंत्र्य दिना निमित्य विमान प्राधिकरण आणि जिल्हा प्रशासनाच्या उपस्थितीत हा ध्वज फडकावला जाणार आहे.
हा ध्वज तयार करण्यासाठी एकूण 20 लाख रुपये खर्च करण्यात आला असून त्याच काम ग्वाल्हेर येथील मनीष इलेक्ट्रिकलस यांना देण्यात आलंय सांबरा येथील इलेक्ट्रिशियन मकसुद नदाफ यांच्या मार्गदर्शनाखाली हा ध्वज खांब उभारण्यात आला आहे.टर्मिनल बिल्डिंगच्या आवारात ध्वज स्तंभ उभारण्यात आल्याने सार्वजनिक नागरिकांनाही ध्वज पाहता येणार आहे आणि बेळगावला भेट देणाऱ्या प्रवाश्यांचे आकर्षण ठरणार आहे बेळगावची शान वाढवणार आहे.
देशातील सर्वात उंच ध्वज बेळगावातील किल्ला तलावावर फडकवण्यात आलाय मात्र अनेकदा हा ध्वज कोसळत असल्याने त्याची योग्य रित्या देखभाल होताना दिसत नाही मात्र बेळगाव विमान तळावरील 100 फूट उंचीच्या ध्वजाची देखभाल केंद्र सरकारचे कर्मचारी नक्कीच घेतील यात शंका नाही.
