पाठीमागून ट्रकने दिलेल्या धडकेत बेळगाव येथील दुचाकीस्वार युवक ठार तर एक जण जखमी झाल्याची घटना बुधवारी रात्री 8 च्या दरम्यान पुणे बंगळुरू राष्ट्रीय महा मार्गावर टेगुर धारवाड जवळ घडली आहे.अभिषेक बुलबुले वय 22 रा.तानाजी गल्ली बेळगाव हा ठार तर त्याचा मित्र निखिल हा जखमी झाला आहे
धारवाड ग्रामीण पोलीस निरीक्षकांनी बेळगाव live ला दिलेल्या माहितीनुसार मयत अभिषेक आणि निखिल हे दोघेही एका दुचाकीवरून बेळगाव कडून धारवाड कडे जात होते त्यावेळी टेगुर जवळ पाठीमागून येत असलेल्या ट्रक ने धडक देताच त्यांची गाडी स्किट झाली अन हा अपघात झाला या घटनेत अभिषेक हा जागीच ठार झाला तर निखिल जखमी असून त्याच्यावर धारवाड सिव्हिल हॉस्पिटलमध्ये उपचार सुरू आहेत.जखमींची तब्येत सुधारत आहे.
अभिषेक हा बेळगावात एका खाजगी मोबाईल कंपनीत काम करत होता आपल्या मित्रा सोबत दुचाकीवरून जाताना हा अपघात घडला आहे.धारवाड ग्रामीण पोलिसात गुन्ह्याची नोंद झाली आहे.