पत्रकार गौरी लंकेश हत्त्या प्रकरणात पुन्हा एकदा बेळगाव कनेक्शन उघड झालं असून एस आय टी टीमने बेळगावातील एका युवकास ताब्यात घेऊन त्याची चौकशी केली आहे.
कॉलेज रोड वरील पोलीस खात्याच्या विश्राम गृहात काही वेळ एस आय टी अधिकाऱ्यांनी ही चौकशी केली त्यानंतर त्याला अज्ञात स्थळी घेऊन तपास केला आहे.या प्रकरणातील मुख्य आरोपी विजापूर येथील परशुराम वाघमोरे यास आश्रय दिल्याच्या आरोप वरून या हॉटेल व्यवसायिकाची चौकशी झाली आहे
.
या प्रकरणाचा मास्टरमाईंड अमोल काळे, हल्लेखोर परशराम वाघमारे याच्यासह अटक केलेल्या संशयितांकडून अधिकाधिक माहिती जमविणे सुरू आहे. या तपासात मारेकऱ्यांनी राष्ट्रीय महामार्गावरील एका ढाब्यात वारंवार विसावा घेत येथे जेवण केल्याचे सांगितले. तो ढाबा महाद्वार रोडवरील संभाजी गल्लीतील एका तरुणाचा असल्यामुळे आज पथकाने त्याला चौकशीसाठी ताब्यात घेतले. या तरुणाला बोलावल्यानंतर तो स्वतःहून हजर झाला.यावेळच्या तपासात ते धर्मप्रसारक म्हणून आपल्या ढाब्यात येत होते, जेवण करीत होते व काही काळ थांबून निघून जात होते. शिवाय धर्मप्रसारक असल्याने व आपणही एका हिंदूत्ववादी संघटनेत कार्यरत असल्यामुळे त्यांच्या राहण्याची व्यवस्था देखील केली होती. ते आरोपी आहेत किंवा त्यांचे कोणाला तरी मारण्याचे नियोजन सुरू आहे, याबाबत आपल्याला काहीही माहिती नाही.
चौकशी झालेला युवक संभाजी गल्ली महाद्वार रोड येथील रहाणारा असून त्याने वाघमोरे यास बेळगावात आश्रय उपलब्ध करून दिला होता याच वाघमोरे ने बेळगाव जवळील खानापूर जंगलात पिस्तुल चालवण्याचे प्रशिक्षण घेतले होते.एकूणच पुन्हा एकदा एस आय टी अधिकाऱ्यांच्या रडार वर बेळगाव आले असून पुन्हा काय धागेदोरे मिळतात का याचा तपास पोलिसांनी चालवला आहे.
