मला मंत्री हवं म्हणून मी मागणी केलेली नाही अन कुणाला मंत्री पद देऊ नये म्हणुन विरोध देखील केला नाही असं वक्तव्य माजी मंत्री आमदार सतीश जारकीहोळी यांनी केलं आहे.ग्रामीणच्या आमदार लक्ष्मी हेब्बाळकर यांना मंत्री पद देऊ नये का?या बद्दल पत्रकारांनी विचारणा केली असता त्यावेळी ते बोलत होते.
मला अमुक खाते हवे अशी देखील मागणी केलेली नाही खाते वाटप ए आय सी सी अध्यक्ष राहुल गांधी यांच्याशी संबंधित विषय आहे असं देखील त्यांनी स्पष्ट केलं.
मला कोणतेही खाते मिळाल्यास मी ती जबाबदारी उचलायला सिद्ध आहे.पक्षात वरिष्ठांचा मंत्रिमंडळात समावेश नको नवीन मंत्री करा अशी चर्चा सुरू आहे मात्र वरिष्ठांना मंत्री पद देणे अनिवार्य आहे.के पी सी सी अध्यक्ष पद हवं म्हणून देखील मी कुठेही मागणी केलेली नाही असेही ते म्हणाले.
सतीश जारकीहोळी यांच्या या वक्तव्या नंतर बुधवारी दि 6 जून होणाऱ्या राज्य मंत्री मंडळाच्या शपथविधी सोहळ्यात बेळगाव जिल्ह्यात दोन मंत्री पद मिळतील अशी शक्यता आहे.
