माझं मत जमीन बळकाणाऱ्याच्या विरोधात, माझं मत कै बळवंतराव सायनाक समितीलाच, आमची मते मराठी अस्मितेसाठी, सर्वांची मते माजी लोक प्रतिनिधीच्या विरोधात अशी भावना जागृत होऊन वडगांव पाटील गल्ली वझे गल्ली,विष्णू गल्ली आदी भागात दक्षिण मतदार संघाचे समितीचे उमेदवार माजी महापौर किरण सायनाक यांची शक्ती प्रदर्शन करणारी पदयात्रा झाली.
मंगळवारी सायंकाळी या जल्लोषी पद यात्रेचं आयोजन करण्यात आलं होतं. फटाक्यांची आतषबाजी करत या भागात प्रचार फेरी काढण्यात आली बेळगावं कारवार निपाणी बिदर भालकीचा संयुक्त महाराष्ट्र झालाच पाहिजे अशी घोषणाबाजी करण्यात आली.
पाटील गल्ली,विष्णू गल्ली वझे गल्ली सोनार गल्ली रामदेव गल्ली वडगांव,आदी भागात फेरी काढण्यात आली.आमदार संभाजी पाटील यांनी पाठिंबा जाहीर करताच सर्व समितीच्या कार्यकर्त्यांत उत्साहाची भावना तयार झाली आहे मराठी समाजा सोबत तळा गळातील समाज देखील सायनाक यांच्या पाठीशी उभं राहू लागला आहे.
