बेळगाव दक्षिण मतदारसंघात म ए समितीचे किरण सायनाक आघाडीवर आहेत. मराठी भाषिक मते आणि आमदार संभाजी पाटील यांचा पाठींबा यामुळे सायनाक यांचे पारडे जड झाले आहे.माजी आमदार बळवंतराव सायनाक यांचे किरण सायनाक हे पुतणे आहेत. त्यांचे वारसदार म्हणून ते ओळखले जातात. किरण सायनाक यांना हा वारसाच कामाला येणार आहे.
बळवंतराव सायनाक यांना सिंह सायनाक ही उपाधी होती आणि ते समाजात लोकप्रिय होते. फक्तच मराठी किंवा हिंदू नव्हे तर मुस्लिम आणि मागासवर्गीय जातीत त्यांना एक स्वच्छ नेते म्हणून मान्यता होती. तीन वेळा बेळगाव शहराचे ते आमदार झाले. अनेक वर्षानंतर त्यांचे वारस असलेल्या किरण सायनाक यांना आमदार होण्याची संधी मिळणार आहे.किरण सायनाक यांचा मृदु स्वभाव कधी टीका केली तरी कुणाला उलट उत्तर न देणारं एक शांत आणि सहनशील नेतृत्व असल्याने त्यांना सहानुभुती मिळत आहे.
शहर म ए समितीचे अध्यक्ष किरण ठाकूर यांच्या पाठींबा ही सुद्धा किरण सायनाक यांच्यासाठी मोठी शक्ती आहे. किरण ठाकूर यांच्यावर भक्ती असलेला आणि त्यांना मानणारा मोठा वर्ग आहे, किरण ठाकूर यांनी दिलेला उमेदवार म्हणून सायनाक यांना मान्यता मिळाली आहे, याचा फायदा घेऊन सायनाक यांची विजयाकडे वाटचाल सुरू आहे.
आमदार संभाजी पाटील यांनी पाठींबा दिल्यामुळे सायनाक यांना बळ मिळणार आहे. किरण ठाकूर यांच्याशी वैरत्व दूर करून संभाजी पाटील यांनी मागील वेळी आमदारकी मिळवली आता ठाकूर आणि पाटील या दोन शक्ती सायनाक यांच्या पाठीशी उभ्या राहिल्याने सायनाक यांना भक्कम पाठींबा मिळाला आहे.
सर्व नगरसेवक, शिवप्रतिष्ठान हिंदुस्थान ही संघटना तसेच संजय सातेरी, दत्ता जाधव व बाळू जोशी सारखे मंडळीही कामाला लागले असून विजय नक्की झाला आहे.
