बेळगाव उत्तर, दक्षिण, ग्रामीण आणि खानापूर हे मतदारसंघ मराठा समाज आणि मराठी भाषिकांचे वर्चस्व राखणारे मतदारसंघ आहेत. त्या ठिकाणी मराठी माणसाला राष्ट्रीय पक्ष आकर्षित करून घेण्याचे वेगवेगळे प्रयत्न करतात, मात्र जितके द्यायचे तितके स्थान या पक्षांनी मराठा उमेदवारांना दिलेले नाही.यामुळेच समिती शिवाय पर्याय नाही अशी स्थिती आहे.
बेळगाव उत्तर मतदार संघात काँग्रेस पक्षाने मुस्लिम उमेदवार दिला आहे. भाजपने मराठा दिला असला तरी तोडीस तोड उमेदवार न दिल्याने निवडून येणे कठीण आहे. जेडीएस ने उत्तर मध्ये लिंगायत उमेदवार दिला असून या पक्षाची पोचही लागणे कठीण आहे.
दक्षिण मतदारसंघात काँग्रेसने विणकर उमेदवार दिला आहे. भाजपनेही मराठा कार्ड वापरण्याचे आश्वासन देऊन जैन कार्ड खोलले आहे. जेडीएस ने मात्र मराठा उमेदवार दिला आहे.यामुळे येथे मराठा कार्ड चालत असतानाही काँग्रेस व भाजपने कन्नड भाषिक उमेदवार लादण्याचा प्रयत्न केला असल्याने नाराजी आहे.
बेळगाव ग्रामीण मध्ये काँग्रेसने व जेडीएस ने लिंगायत कार्ड तर भाजपने जैन कार्ड खोलले आहे, तर खानापूर मध्ये काँग्रेसने व भाजपने मराठा तर जेडीएस ने मुस्लिम उमेदवार दिले आहेत, मतदार म्हणून मराठी चालतो पण उमेदवार देताना चालत नाही अशी अवस्था आहे, याबद्दल लोकात नाराजी आहे.
भाजपने दोन जैन व दोन मराठा, काँग्रेसने मुस्लिम, विणकर, मराठा व लिंगायत आणि जेडीएस ने २ लिंगायत, १ मराठा व १ मुस्लिम असे गणित घातले असून यामध्ये कोण सरस ठरणार हे मतदानानंतरच समजेल.
