महिला पोलीस कर्मचाऱ्यांना राज्य सरकारने दिल्ली पोलिसांच्या धर्तीवर खाकी चुडीदार पोशाख द्यावा अशी मागणी बहुसंख्य महिला पोलिसांनी बेळगाव उत्तर विभागाचे पोलीस महा निरीक्षक अलोक कुमार यांच्याकडे केली आहे
बेळगावातील आय जी कार्यालयात आंतरराष्ट्रीय महिला दिनाच्या निमित्ताने आयोजित करण्यात आलेल्या महिलांच्या सत्कार कार्यक्रमात सहभागी झाल्यावर महिलांनी वरील मागणी केली.
लहान मुलं असणाऱ्या महिला पोलीस कॉन्स्टेबलना दूरच्या बंदोबस्ताला पाठवू नये शिवाय ५ वर्ष हुन अधिक वय असलेल्या महिला कॉन्स्टेबलना परेड पासून परावृत्त करावे अशी मागणी सत्कार कार्यक्रमात महिला पोलिसांनी केली . गर्भवती महिला पोलिसांना सेंट्री ड्युटी देऊ नये केवळ दप्तर ऑर्डरली लिखाण काम द्यावे अशी मागणीही महिलांनी केली. जिल्हा पातळीवर महिला पोलिसांनी आपल्या मागण्या सादर कराव्यात असा सल्ला अलोक कुमार यांनी दिला .
