बेळगावातील मराठा सेंटरच्या खेळाडूने खेलो इंडिया स्कूल गेम्स मध्ये पदक मिळवलं आहे. एम एल आय आर सी चा खेळाडू सुनील सी याने फ्री स्टाईल ५४ किलो गटात कास्य पदकाची कमाई केली आहे. महिला विद्यालय इंग्लिश शाळेच्या विध्यार्थ्यानी पदक मिळवल्या नंतर बेळगावने खेलो इंडिया मध्ये मिळवलेलं हे दुसर पदक आहे
नवी दिल्ली येथे युवा क्रीडा मंत्रालयाच्या वतीने शाळकरी मुलांना खेळात प्राधान्य देण्याच्या दृष्टीकोनातून खेलो इंडिया स्पर्धेचे आयोजन करण्यात आले होते. ऑलम्पिक स्पर्धा डोळ्यासमोर ठेऊन ४ ते १७ वयाच्या खेळाडूतून कौशल्य शोधण्यासाठी ३१ जानेवारी ते ८ फेब्रुवारी पर्यंत ही स्पर्धा आयोजित करण्यात आली होती. देशातील नामवंत पैलवानांनी या स्पर्धेत सहभाग घेतला होता. सुनीलकुमार याने कर्नाटकचे नेतृत्व करताना एकूण चार कुस्त्यापैकी तीन जिंकल्या महाराष्ट्राच्या पैलवानाचा ११-१ अश्या अंतराने पराभव करत त्याने कास्य पदकाची कमाई केली. सुनील हा मराठा सेन्टरच्या स्पोर्ट्स कंपनीचा खेळाडू आहे . नव्यानेच स्थापित केलेल्या मुलांच्या खेळ कंपनीत सुनील ने हे राष्ट्रीय पदक मिळवल आहे.
मराठा सेंटरचे ब्रिगेडीयर गोविंद कलवड यांनी सुनीलचे अभिनंदन केल आहे.
