गॅस सिलेंडर लिकेज होऊन झालेल्या स्फोटात एका महिलेचा मृत्यू झाल्याची घटना गुरुवारी पहाटे पाच च्या गौडवाड येथे घडली आहे.सुगंधा दुर्गाप्पा पंगाण्णावर वय 25 अस मयत महिलेचं नाव आहे.या दुर्घटनेत मयत सुगंधाचे पती दुर्गाप्पा हे थोडक्यात बचावले आहेत.
घटनास्थळा वरून समजलेल्या माहिती नुसार दुर्गाप्पा आणि सुगंधा हे दम्पती आपल्या एका लहान मुलीसह गौडवाड येथे राहतात.चिकलदिनी गावात जत्रा आहे म्हणून त्यांची मुलगी कालच परगावी गेली होती तर पहाटे पाच च्या सुमारास दोघेही दाम्पत्य परगावी जाण्यासाठी लवकर उठले होते दुर्गाप्पा हे पाणी आणण्यासाठी बाहेर गेले होते त्यावेळी सुगंधा हिने गॅस सुरू केलं घराचे सर्व दरवाजे बंद असल्याने लिकेज असलेल्या गॅस चा स्फोट होऊन सुगंधा चा मृत्यू झाला .
सिलेंडर चा स्फोट इतका तीव्र होता की पत्र्याच्या घराला देखील नुकसान झालं आहे.काकती पोलिसात गुन्ह्याची नोंद झाली आहे.
