राकसकोप चे रहिवासी व कॉलेज रोड येथील यश ऑटोचे संचालक शिवप्रेमी संजय रुक्मांणा मोरे यांना राजश्री शिवबा विचार प्रसारक मंडळ ( ट्रस्ट) नवी मुंबई यांच्यावतीने शिवसंत उपाधीने गौरवण्यात येणार आहे.
संजय मोरे यांनी छ शिवाजी महाराजांच्या प्रति केलेल्या कार्याची नोंद या ट्रस्टने घेतली आहे. रायगड किल्ल्यावर शिवाजी महाराजांच्या सदरेवर १ जानेवारीला सकाळी ७ वाजता ही उपाधी मान्यवरांच्या उपस्थितीत बहाल केली जाणार आहे.
संजय मोरे हे गेल्या २० वर्षांपासून कॉलेज रोडवर यश ऑटोचे संचालक म्हणून कार्यरत आहेत.
नामवंत वक्त्यांची व्याख्याने भरवून शिवामृत पाजण्याचे काम ते करतात.आपल्या कर्मचाऱ्यांना गडकोट दर्शन, घरोघरी शिवराय पोचवण्यासाठी २००० हुन अधिक तैलचित्रांचे वाटप असे उपक्रम त्यांनी केले आहेत, राकसकोप या गावी लोकवर्गणीतून शिवपुतळा उभारण्यात त्यांचा मोठा वाटा आहे.
