अपयश हे केवळ ठराविक काळापुरते मर्यादित असते, उलट तेच यशासाठी एक नवी पायरी ठरते असे म्हणतात. याची प्रचिती या तरुणाने दाखवून दिली आहे. एमबीए करून त्याने आपल्या आईचे स्वप्न पूर्ण केले आहे.
अजय शहापुरकर असे त्याचे नाव. अनेक अडचणींवर मात करून यश मिळवून अजय आता पुणे येथील गालघर सर्विस सेंटर एल एल पी येथे प्रोसेस असोसिएट पदावर काम करत आहे.
आर्थिकदृष्ट्या अतिशय मागास अशा कुटुंबातील अजयने आपल्या कुटुंबातील आव्हानांवर मात करून आपली स्वप्नपूर्ती करून घेतली आहे. चिकाटी आणि परिश्रमाची ही गाथा सांगताना अजय नक्कीच भावुक होतो.
अजय आपले आई वडील आणि लहान भाऊ अनिकेत समवेत एक छोट्या खोलीत राहत होता. ती खोलीच त्याच्या कुटुंबासाठी तीच खोली स्वयंपाक घर, तेच बसण्याउठण्याचं सभागृह आणि तेच झोपण्याची खोली अशी परिस्थिती होती. त्याचे वडील मारुती हे मेकॅनिक तर आई माधवी इतरांच्या घरी स्वयंपाक करून घर चालवत होते.
त्याचं आणि त्याच्या भावाचं बालपण कोणत्याही आरामदायी चोचल्याशिवाय गेलं, कष्टच अधिक होते. अजय आणि त्याचा भाऊ दोघेही अभ्यासात हुशार पण त्यांना शिक्षणासाठी पैसे देणे पालकांना अवघड जात होते. अशात आई माधवी यांनी एक उपाय सुचवला आणि या भावांचे जीवनच बदलून गेले.
(फोटो आई माधवी आणि भाऊ अनिकेत)
आपली मुले उनाड मुलात फिरत असल्याचे लक्षात आल्याने ती एक साडी विक्रेत्याकडे गेली. तेथे विनंती करून तिने आपल्या मुलांना कामाला लावले. येणाऱ्या पगारात ते शिकू शकतील अशी व्यवस्था तिने केली.
आज अजयच्या भाऊही सीए करत आहे. पूर्वी शाळा सम्पवून काम करताना आम्ही कुरकुर करत होतो मात्र आमच्या आईचा निर्णय आम्हाला फायद्याचा ठरला, असे अजयने बेळगाव live ला सांगितले. काम करायला लाजू नका, कमवा आणि शिका, असा सल्ला त्याने नव्या पिढीला दिला आहे.
