बेळगाव दि २ :बेळगावच्या महापौर उपमहापौर पदी मराठी भाषिक निवडून आल्याने पोटशूळ उठलेल्या स्वयंघोषित कन्नड संघटनांच्या नेत्यांनी पालक मंत्री रमेश जारकीहोळी आमदार फिरोज सेठ आणि लोक प्रतिनिधींच्या विरोधात टीका केली आहे.
प्रत्यक्ष अप्रत्यक्ष रित्या पालक मंत्री आमदार फिरोज सेठ हेच मराठी भाषिक महापौर बनण्यास कारणीभूत आहेत अशी बोचरी टीका केली या शिवाय उत्तर आमदार फिरोज सेठ यांच्या मुळेच कन्नड आणि उर्दू नगरसेवकात दोन गट तयार झाले आणि त्यामुळेच लाजिरवाण्या पराभवास कन्नड गटाला सामोरे जावे लागले . पालकमंत्री रमेश जारकीहोळी आणि माजी पालक मंत्री सतीश जारकीहोळी बंधू यांच्यातील वाद महा पालिकेतील महापौर निवडीत दिसून आला कन्नड उर्दू गटात दोन गट पडले असल्याने दोघांनी आपापले उम्मेदवार महापौर उपमहापौर पदासाठी उभे केले होते त्याची परिणीती कन्नड आणि उर्दू गटाची मत १७ आणि ९ अशी झाली आणि विभागली गेली त्यामुळेच कन्नड चा अपमान झाला आहे . पालकमंत्री रमेश जारकीहोळीआणि फिरोज सेठ यांनी राजीनामा ध्यावा सेठ यांच्यावर कारवाई केली जावी अशी मागणी देखील या कन्नड नेत्यांनी केली आहे. एक प्रकारे बेळगाव महा पालिकेवर मराठीच अस्तित्व आहे अशी अप्रत्यक्ष रित्या कबुली कन्नड नेत्यांनी केली असून पुढील महा पालिकांच्या निवडणुकीत सर्व राजकीय पक्षांनी आपापल्या चिन्हावर निवडणूक लढवावी अस आव्हान देखील या नेत्यांनी केल आहे . कन्नड साहित्य भवनात आयोजित पत्रकार परिषदेत माजी महापौर सिद्धनगौडा पाटील , राघवेंद्र जोशी, अशोक चंदरगी ,मैनोद्दीन मकानदार आदी उपस्थित होते . सभागृहात मराठी संख्या बळ सत्तेत राहण्यास पुरेस असून याला आमदार खासदार लोक प्रतिनिधी काहीच करू शकत नाहीत हे या कन्नड संघटनांच्या नेत्यांना कधी समजणार ?
