काँग्रेस भाऊ भाऊ आणि सगळे मिळून वाटून खाऊ असे म्हणणाऱ्या खासदार सुरेश अंगडी यांना महा पालिका 
सत्ताधारी गट नेते पंढरी परब यांनी खुले आव्हान दिले आहे. आजवर खासदारांनी काय केले याची यादी घेऊन खुल्या व्यासपीठावर यावे आम्हीही मनपाची कामे घेऊन येऊ होऊन जाऊद्या आमना सामना असा इशारा परब यांनी दिला असून खासदार अंगडी पुन्हा वादग्रस्थ विधानाच्या पेचात अडकले आहेत.
बेळगाव चे खासदार या नात्याने आजवर किती विकासकामे केली? केंद्र सरकार कडून आपल्या कार्यकाळात जनतेसाठी किती योजना मंजूर करून आणल्या, याची यादी अंगडींनी द्यावी असे त्यांनी आपल्या प्रतिक्रियेत म्हटले आहे.
आम्ही सर्व सत्ताधारी नगरसेवकांनी महानगर पालिकेच्या सभागृहात ३ वर्षात किती कोटीच्या विकास कामांना मजुरी दिली , किती पूर्ण झाली, किती सुरु आहेत आणि किती होऊ घातली आहेत याची जंत्री जाहीरपणे एकाच व्यासपीठावरून देण्यास तयार आहोत.आपणही करावी, ज्या मराठी बांधवांनी हिंदुस्थान व हिंदुत्वा साठी आपल्याला मतदान केले त्यांच्या साठी आपण काय कर्तव्य पार पाडले हे जनते समोर येऊन जाहीर करा असे आव्हान परब यांनी अंगडींना दिले आहे.
