बेळगाव दि 9 : न्यायाधीशांनी ट्राफिक पोलिसांना घातलेल्या मार्गदर्शक सूचीनुसार दंड वसूल करण्यासाठी टार्गेट दिल्या नंतर बेळगाव पोलीस देखील जागे झाले असून गेल्या तीन दिवसात बेळगाव ट्राफिक पोलिसांनी तब्बल ९ लाख दंड वसूल केला आहे . वाहतुकीचे कायदे मोडणाऱ्या कडून हा दंड वसूल करण्यात आला असून बेळगाव पोलीसदेखील दंड वसुली करण्यात आघाडीवर आहेत .
पोलीस आयुक्त कार्यालयातील सूत्रांनी दिलेल्या माहिती नुसार पोलिसांनी गेल्या तीन दिवसात ९१३८ जणांवर गुन्हा दाखल करून ९ लाख १६ हजार २०० रुपये दंड वसुल केला आहे . यामध्ये सोमवारी २४८६ गुन्हे नोंदवत २ लाख ४८ हजार ६०० , मंगळवारी १९०९ गुन्हे नोंदवत १ लाख ९० हजार ९०० तर बुधवारी ३७२२ जणावर गुन्हे नोंदवून ३ लाख ७१ हजार ८०० असा एकूण ९ लाखावर दंड वसूल केला आहे . एकीकडे एवढ्या वाहन चालकांवर दंड वसूल केल्या नंतर एकाही ऑटो चालकावर मीटर सक्ती न करण्याचा गुन्हा नोंदवला नाही मात्र सोमवार पासून मीटर न वापरणाऱ्या ऑटो चालकावर कारवाई करणार असल्याची माहिती पोलीस उपायुक्त अमरनाथ रेड्डी यांनी दिली आहे .
फोटो सौजन्य :उदय किंजवडेकर
