बेळगाव दि ८ ; १६ फेब्रुवारीचा मराठी क्रांती मोर्चा यशस्वी करण्यासाठी महिला आघाडी आणि एकीकरण समितीच्या वतीने शाहू नगर भागात प्रचार फेरी आणि बैठक आयोजित करण्यात आली होती . महिला आघाडीच्या अध्यक्ष रेणू किल्लेकर आणि माजी महापौर वंदना बेळगुंदकर यांच्या नेतृत्वात शाहू नगर भागात काढण्यात आलेल्या प्रचार फेरीत ५० हून अधिक महिलांनी सहभाग घेतला होता या बैठकीवेळी शहर समिती उपाध्यक्ष टी के पाटील सह बाळासाहेब काकतकर नारायण कीटवाडकर यांनीही विचार मांडले . शाहू नगर भागाचे नगर सेवक मोहन बेळगुंदकर यांच्या पुढाकाराने सदर बैठक घेण्यात आली होती .
