लोकशाहीतील चौथा आधार स्तंभ मानला जाणारा पत्रकारिता मागे पडत चालला असून त्याची जागा आता सोशल मिडिया ने घेतली आहे यामुळे पत्रकारांनी आता वेगाने बदलणाऱ्या तंत्रज्ञान अवगत करून स्वत बदल्याची तयारी ठेवली पाहिजे असे प्रतिपादन मुंबईतील पत्रकार चंद्रकांत पाटील यांनी व्यक्त केले.
पत्रकार विकास अकादमीच्या वतीने नेहरू नगर येथील कार्यालयात आयोजित मराठी भाषा दिनाच्या कार्यक्रमाचे प्रमुख पाहुणे या नात्याने बोलत होते. यावेळी महापौर सरिता पाटील या खास उपस्थित होत्या. प्रारंभी उपस्थित मान्यवरांच्या दीप प्रज्वलन हस्ते दीप प्रज्वलनाने बेळगाव लाईव्ह या नव्या वेब पोर्टल च औपचारिक अनावरण करण्यात आले.
सोशल मिडिया चा वापर बेळगावात मराठी भाषिकावर होणाऱ्या अत्याचार व विविध क्षेत्रात होणाऱ्या अन्याया साठी करून घ्यावा यामुळे सीमा लढ्याला बळकटी मिळेल. सोशल मिडिया चा वापर इतक्या वेगाने व्यापकतेने झाला आहे त्याचा जितका चांगला वापर करता येण्या सारखा आहे त्याचा गैर वापर होऊ लागला आहे.
यावेळी महापौर सरिता पाटील यांनी आपल्या भाषणात मराठी भाषा दिनाला शुभेच्छा देऊन मराठी पत्रकारांनी दिलेल्या सह्योगामुळेच आपण या पदा पर्यंत येऊन पोचलो.प्रारंभी पत्रकार अकादमीचे सचिव प्रसाद प्रभू यांनी स्वागत केल.यावेळी नारायण सावंत यांनी संकलित केलेल्या दुर्मिळ अश्या आरती संग्रह पुस्तकाच अनावर करण्यात आल.शिवाजी हंगीरगेकर यांची चेंबर ऑफ कॉमर्स सदस्य पदी निवड झाल्या बद्दल सत्कार करण्यात आला .
बेळगाव लाइव्ह मराठी वेब पोर्ट ला सगळ्यांनी सहकार्य कराव अस आवाहन लाईव्ह चे संचालक प्रकाश बेळ्गोजी यांनी केले. यावेळी सकल मराठा समाजाचे प्रकाश मरगाळे, राजेंद्र मुतगेकर, गुणवंत पाटील, विकास कलघटगी, ए पी एम सी सदस्य महेश जुवेकर, सुनील जाधव, सुजित मुळगुंद, नारायण सावंत, तर पत्रकार प्रशांत बर्डे,सदानंद बामणे, शिवाजी कांबळे, विलास अध्यापक, मनीषा सुभेदार,रमेश हिरेमठ दीपक बुवा ,गंगाधर पाटील, राजाराम सूर्यवंशी, बापू जाधव, महादेव पवार, आदि पत्रकार उपस्थित होते. द्वारकानाथ ओरणकर यांनी आभार मानले.
