बेळगाव लाईव्ह : कर्नाटक हेल्थ इन्स्टिट्यूट, घटप्रभा येथील प्राध्यापिका वृषाली उर्फ सई शेखर पाटील यांनी ‘मेडिकल सर्जिकल नर्सिंग’ या विषयात डॉक्टरेट पदवी संपादन करत अभिनंदन यश मिळविले आहे आहे.
मध्य प्रदेश येथील मालवांचल विद्यापीठ इंदोरमधून प्रा. वृषाली उर्फ सई पाटील यांनी उपरोक्त डॉक्टरेट पदवी संपादित केली. हे विद्यापीठ भारतीय परिचारिका परिषद (इंडियन नर्सिंग कौन्सिल) मान्यताप्राप्त दर्जाचे आहे. यापूर्वी प्रा. सई पाटील यांनी कर्नाटकातील राजीव गांधी वैद्यकीय विद्यापीठातून एमएससी नर्सिंग ही पदवी संपादित केली आहे.
त्यानंतर त्यांनी बेळगाव शहरातील विविध हॉस्पिटलमध्ये वरिष्ठ परिचारिका म्हणून काम पाहिले. हे करत असताना त्यांनी वरील मेडिकल सर्जिकल नर्सिंग अर्थात “कर्नाटकातील निवडक रुग्णालयांमध्ये बाह्यरुग्ण विभागात येणाऱ्या उच्च रक्तदाब असलेल्या रुग्णांमध्ये आढळलेल्या जीवनशैलीतील बदलांबद्दलच्या होणाऱ्या परिणामांचे निरीक्षण व अध्ययन या विषयावर प्रबंध सादर केला होता.
या प्रबंधाला मान्यता देऊन सदर विद्यापीठाने डॉक्टरेट ही पदवी बहाल केली. प्रा. सई पाटील यांनी सुरुवातीपासूनच वैद्यकीय क्षेत्राच्या विविध विभागात काम केले असून त्या कै. प्रा. सी. व्ही. पाटील यांच्या स्नुषा होत. उपरोक्त यशाबद्दल त्यांचे सर्वत्र अभिनंदन होत आहे.
