बेळगाव लाईव्ह : कंपनीच्या उत्पादन कार्यांच्या सुरुवातीपासून एक्वसला उभारण्यात आणि तिचा विस्तार करण्यात व्यवस्थापकीय संचालक राजीव कौल यांनी बजावलेल्या महत्त्वपूर्ण भूमिकेची दखल घेत एक्वस लिमिटेडच्या संचालक मंडळाने त्यांना कंपनीचे सह-संस्थापक म्हणून औपचारिक मान्यता दिली आहे.
सदर निर्णयाची घोषणा करताना एक्वस लिमिटेडचे संस्थापक, कार्यकारी अध्यक्ष आणि सीईओ अरविंद मेल्लिगेरी म्हणाले की, कंपनीच्या स्थापनेपासूनच राजीव कौल हे तिला आकार देण्यात एक प्रमुख भागीदार राहिले आहेत. कौल यांनी अनेक आव्हानांवर मात करत मोहिमांचे (ऑपरेशन्स) नेतृत्व केले, तसेच एक्वेसची दीर्घकालीन ध्येय प्रत्यक्षात आणण्यास मदत केली.
त्यांच्या सातत्यपूर्ण योगदानाशिवाय कंपनीची वाढ अशक्य होती, असेही मेल्लिगेरी यांनी नमूद केले. राजीव कौल यांनी भारतातील पहिली एकात्मिक एरोस्पेस उत्पादन परिसंस्था स्थापन करण्यात मध्यवर्ती भूमिका बजावली आहे. त्यांनी कोप्पल टॉय क्लस्टरच्या विकासातही महत्त्वपूर्ण योगदान दिले असून हुबळी ड्युरेबल्स गुड्स क्लस्टरमधील ग्राहक परिसंस्थेच्या वाढीस मार्गदर्शन केले आहे.
ज्यात एक्वसच्या ग्राहक इलेक्ट्रॉनिक्स विभागातील प्रवेशाचा समावेश आहे. याव्यतिरिक्त ते एक्वसच्या संयुक्त उद्यम कंपन्यांच्या संचालक मंडळावरही कार्यरत आहेत. एक्वस लिमिटेड ही एरोस्पेस आणि ग्राहक क्षेत्रांना सेवा देणारी, अभियांत्रिकी-आधारित आणि अनुलंबित एकात्मिकतेवर आधारित अचूक घटकांची उत्पादक कंपनी आहे. ही कंपनी तीन खंडांमध्ये एकात्मिक उत्पादन परिसंस्था चालवत असून ज्यामुळे ती जागतिक ओईएम ग्राहकांना उच्च कार्यात्मक कार्यक्षमतेसह जटिल, उच्च-अचूक उत्पादने पुरवू शकते.
