बेळगाव लाईव्ह : मराठा लाईट इन्फंट्री रेजिमेंटल सेंटर (एमएलआयआरसी) यांनी ‘शौर्यवीर रन २०२५’ या भव्य सामुदायिक धावण्याच्या स्पर्धेची घोषणा केली आहे. भारतीय लष्कराच्या ७९ व्या पायदळ दिन निमित्त ही स्पर्धा आयोजित करण्यात आली आहे. हा केवळ एक रन नसून, भारतीय पायदळाच्या शौर्य, धैर्य आणि बलिदानाला दिलेली ही मनस्वी मानवंदना आहे. या प्रेरणादायी कार्यक्रमात सर्व नागरिक, सेवेत असलेले जवान, निवृत्त सैनिक आणि लष्करी कुटुंबांनी सहभागी व्हावे आणि ‘चांगल्या आरोग्यासाठी धाव घेऊन इतरांना प्रेरणा द्या’ असे आवाहन करण्यात आले आहे.
रविवार, २६ ऑक्टोबर २०२५ अशी असून, त्याचे स्थळ शिवाजी स्टेडियम, मराठा एलआयआरसी, कॅम्प, बेळगाव येथे हि स्पर्धा होणार आहे. द मराठा लाईट इन्फंट्री रेजिमेंटल सेंटर, बेळगाव यांनी याचे आयोजन केले आहे.
ही धावण्याची शर्यत लढवय्ये, त्यांचे आश्रित, निवृत्त सैनिक आणि नागरिक या सर्वांसाठी फिटनेसच्या सर्व स्तरांनुसार योग्य गटांमध्ये उपलब्ध आहे. हाफ मॅरेथॉनसाठी २१ किलोमीटर अंतर असून वयोगट १८ वर्षांपेक्षा अधिक आहे, तर टाईम्ड रन १० किलोमीटरसाठी वयोगट १८ वर्षांपेक्षा अधिक आहे. फन रन ५ किलोमीटरसाठी १७ वर्षांखालील मुले आणि १८ वर्षांपेक्षा अधिक वयोगटातील व्यक्ती सहभागी होऊ शकतात.
नोंदणी केलेल्या सर्व सहभागींना एक सर्वसमावेशक रेस किट आणि उत्कृष्ट अनुभवासाठी आवश्यक मदत पुरवली जाईल. यात टी-शर्ट, टाईम रन बिब १० किमी आणि २१ किमीसाठी, २१ किमीसाठी फिनिशर मेडल, मार्गावर हायड्रेशन मदत, वैद्यकीय मदत आणि न्याहारी यांचा समावेश आहे. व्यावसायिक प्रशिक्षकांकडून सकाळी ५:३० वाजता झुम्बा वॉर्म-अप सत्रही आयोजित केले आहे.
शौर्यवीर रन २०२५ हा शारीरिक तंदुरुस्ती, राष्ट्रीय अभिमान आणि पायदळाच्या अदम्य आत्म्याचा उत्सव आहे. आपल्या शूर सैनिकांचा सन्मान करण्यासाठी आणि त्यांच्याशी आपली एकजुटता दर्शवण्यासाठी बेळगावमधील या प्रतिष्ठित कार्यक्रमाचा भाग व्हा. अधिकृत पोस्टरवरील क्यूआर कोड स्कॅन करून किंवा ९८७१७०२३५७ या क्रमांकावर संपर्क साधून आपण अधिक माहिती मिळवू शकता आणि नोंदणी करू शकता अशी माहिती देण्यात आली आहे.
