गणेश उत्सव कालावधीत वाहनांच्या पार्किंगसाठी जागा निश्चित
बेळगाव लाईव्ह : गणेश उत्सव विसर्जन मिरवणूक आणि उत्सव काळात बेळगाव शहरात रहदारीला अडथळा निर्माण होऊ नये यासाठी पोलीस प्रशासनाने परगावाहून येणाऱ्या किंवा स्थानिक दुचाकी आणि चार चाकी वाहनांना पार्किंग करण्यासाठी जागा निश्चित करून दिल्या आहेत. याशिवाय अवजड वाहनांच्या मार्गात देखील बदल केले आहेत.
दिनांक: 27/08/2025 ते 06/09/2025 या कालावधीत श्री गणेश उत्सव साजरा केला जाईल. श्री गणेशोत्सवाच्या काळात नागरिक रस्त्याच्या कडेला आपली वाहने उभी करतात, ज्यामुळे सार्वजनिक वाहतुकीला अडथळा निर्माण होण्याची शक्यता असते. श्री गणेश उत्सव आणि मिरवणूक यशस्वी आणि सुचारू रीतीने पार पडावी यासाठी रस्त्याच्या कडेला वाहने उभी करू नयेत यासाठी खबरदारी घेणे आवश्यक आहे.
त्यामुळे दिनांक 27/08/2025 ते 07/09/2025 आणि 11 व्या दिवशी मिरवणुकीच्या पार्श्वभूमीवर दिनांक 06/09/2025 आणि 07/09/2025 रोजी सार्वजनिक वाहनांच्या पार्किंगसाठी खास जागा निश्चित करण्यात आल्या आहेत. श्री गणेश उत्सव पाहण्यासाठी येणाऱ्या नागरिकांनी आपली वाहने कुठेही उभी न करता निश्चित केलेल्या पार्किंगच्या जागीच उभी करावीत, जेणेकरून श्री गणेश मूर्तींची मिरवणूक व्यवस्थितपणे पार पडेल आणि रस्त्यावरील सुरक्षितता तसेच सार्वजनिक वाहतुकीला सुविधा मिळेल. यासाठी बेळगाव शहर पोलिस विभागाशी सहकार्य करण्याचे आवाहन करण्यात येत आहे.
**श्री गणेश उत्सवाच्या कालावधीत (27/08/2025 ते 07/09/2025) सार्वजनिक वाहनांच्या पार्किंगसाठी निश्चित केलेल्या जागांचा तपशील:**
1. सरदार मैदान
2. बेनन स्मिथ कॉलेज ऑफ फिजिकल एज्युकेशन (सीपीएड) मैदान, क्लब रस्ता
3. जुन्या भाजी मार्केट परिसर आणि देशपांडे खूटपासून गांधी सर्कलपर्यंतच्या रस्त्याच्या उत्तर बाजूची मोकळी जागा
4. बेळगाव छावणी मंडळ, झोन-1, कॅटल मार्केट परिसर (भरतेश शिक्षण संस्थेजवळ)
5. संभाजी उद्यान, महाद्वार रस्ता
6. बापट गल्ली पे पार्किंग
7. न्यूक्लियस मॉल बेसमेंट
8. लक्ष्मी पे पार्किंग, रामलिंगखिंड गल्ली
9. गणेश पे पार्किंग, रामलिंगखिंड गल्ली
10. सोमनाथ पे पार्किंग, शेरीगल्ली
11. महिला पोलिस ठाण्यामागील मोकळी जागा, कॅम्प
**श्री गणेश मूर्तींच्या 11 व्या दिवसाच्या मिरवणुकीच्या पार्श्वभूमीवर (06/09/2025 आणि 07/09/2025) सार्वजनिक वाहनांच्या पार्किंगसाठी निश्चित केलेल्या जागांचा तपशील:**
1. बेनन स्मिथ संयुक्त प्री-डिग्री वाणिज्य आणि कला महाविद्यालय मैदान, कॉलेज रस्ता
2. मराठी विद्यानिकेतन शाळेचे मैदान
3. श्रीमती उषाताई गोगटे विद्यार्थिनींच्या माध्यमिक शाळेचा परिसर, पाटील गल्ली
4. मुस्लिम एज्युकेशन सोसायटीच्या इस्लामिया एज्युकेशन इन्स्टिट्यूट इंग्लिश आणि उर्दू माध्यम शाळा/कॉलेज मैदान, कॅम्प
5. बेळगांव एज्युकेशन सोसायटीच्या बी.के. मॉडेल हायस्कूल आणि मॉडेल पी.यू. कॉलेज परिसर, कॅम्प
नागरिकांनी श्री गणेश मूर्तींच्या मंडपांना भेट देण्यासाठी येताना वरील निश्चित केलेल्या जागांवरच आपली वाहने उभी करावीत असे आवाहन पोलिस आयुक्त भूषण बोरसे यांनी केले आहे.
अवजड वाहनांच्या मार्गात बदल
श्री गणेश उत्सवाच्या निमित्ताने बेळगाव शहरात अवजड वाहनांच्या वाहतुकीसाठी मार्गात बदल करण्यात आले आहेत. मिलिटरी महादेव मंदिराजवळील रस्ता, ग्लोब सर्कल (अल्फा होंडा शोरूम) आणि गांधी सर्कल (अरगन तलाब) येथे छावणी मंडळाने (कॅन्टोन्मेंट) लावलेले हाइट बॅरियर काढून टाकण्यात आले आहेत. त्यामुळे अवजड वाहनांच्या चालकांनी या मार्गाचा वापर करावा असे आवाहन पोलिस आयुक्त भूषण बोरसे यांनी केले आहे.
**पोलिस विभागातील थकीत वाहतूक ई-चलन निकाली काढण्याबाबत
दिनांक 27/08/2023 ते 21/08/2025 या कालावधीत पोलिस विभागाच्या वाहतूक ई-चलनमध्ये नोंदवलेल्या प्रकरणांसाठी, थकीत प्रकरणांच्या दंडाच्या रकमेवर 50% सूट देण्यात आली आहे. ही सूट दिनांक 23/08/2025 ते 12/09/2025 या कालावधीत निकाली काढल्या जाणाऱ्या प्रकरणांसाठी लागू असेल, असे आदेश जारी करण्यात आले आहेत. या पार्श्वभूम वाहतूक ई-चलनमध्ये नोंदवलेल्या थकीत प्रकरणांचा दंड खालील ठिकाणी भरून निकाली काढता येईल:
1) कर्नाटक/बेळगाव वन, रिसलदार गल्ली
2) कर्नाटक/बेळगाव वन, गोवावेस
3) कर्नाटक/बेळगाव वन, अशोक नगर
4) कर्नाटक/बेळगाव वन, टी.व्ही. सेंटर, हनुमान नगर
5) वाहतूक व्यवस्थापन केंद्र, पोलिस आयुक्त कार्यालय
6) उत्तर वाहतूक पोलिस ठाणे, पोलिस हेडक्वार्टर्स
7) दक्षिण वाहतूक पोलिस ठाणे, कॅम्प
8) बोगारवेस पोलिस चौकी
9) किल्ला तलाव, अशोक पिलरजवळ