बेळगाव लाईव्ह : स्थानिक उद्योजक पर्श पाटील यांनी आपल्या वाढदिवसानिमित्त एक अनोखी सुधारित गाडी तयार केली आहे. या गाडीचं खास वैशिष्ट्य म्हणजे तिला “WILLYZ” गाडीचा स्टाइलिश लुक देण्यात आला आहे. ही गाडी महिंद्रा अर्माडा एसयूव्हीच्या चेसिसवर बांधण्यात आली आहे.
या गाडीचं डिझाइन राजू मेस्त्री यांनी नऊ महिन्यांच्या अथक परिश्रमाने पूर्ण केलं आहे. याप्रसंगी पर्श पाटील यांनी गाडी बनवणाऱ्या राजू मेस्त्री यांचा शाल आणि श्री गणेशाची मूर्ती देऊन सत्कार केला.
मूळ महिंद्रा अर्माडा गाडीचं कॅब आणि चेसिस वापरून, तिला WILLYZ च्या शास्त्रीय डिझाइनमध्ये रूपांतरित करण्यात आलं आहे. राजू मेस्त्री यांनी ही गाडी आपल्या कारकिर्दीतील शेवटची निर्मिती म्हणून घोषित केली आहे. त्यांनी यापूर्वी अनेक सुधारित वाहनं तयार केली आहेत. ही गाडी जाहिरात, चित्रीकरण किंवा वैयक्तिक फोटोशूटसाठी भाड्याने उपलब्ध असेल. संपर्क क्रमांक: 9986787242, 9902259428.
पर्श पाटील यांनी सांगितलं, “ही गाडी माझ्या वाढदिवसाची एक भावनिक आठवण आहे. राजू सरांनी तिला नवीन जीवन दिलं आहे. आता ती सर्वांसाठी अनुभवण्यासाठी उपलब्ध आहे.”
