दहावीचा निकाल जाहीर होणार ‘या’दिवशी

बेळगाव लाईव्ह : दहावी परीक्षेच्या उत्तरपत्रिका तपासणीचे काम पूर्ण झाले असून शुक्रवार दि. २ मे रोजी निकाल जाहीर करण्यात येणार असल्याची माहिती शालेय परीक्षा- मूल्यमापन मंडळाने दिली आहे.

21 मार्च ते 4 एप्रिलपर्यंत दहावीची परीक्षा झाली होती. 1 मे रोजी कामगार दिनानिमित्त सार्वत्रिक सुट्टी असल्याने २ मे रोजी निकाल जाहीर करण्यात येणार आहेत.

या परीक्षेसाठी 8.93 लाख विद्यार्थ्यांनी नोंदणी केली होती. सर्व विषयांच्या उत्तरपत्रिकांचे मूल्यमापन पूर्ण झाले असून २ मे रोजी सकाळी ११.३० वाजता शालेय मूल्यमापन समिती, शिक्षण आणि साक्षरता विभाग मंत्र्यांच्या अध्यक्षतेखाली सदर निकाल जाहीर करण्यात येतील .

विद्यार्थ्यांना कर्नाटक सरकारच्या https://karresults nic.in या संकेतस्थळावर दुपारी १२.३० नंतर निकाल पाहता येणार आहेत.