बेळगाव लाईव्ह :जिल्हा प्रशासन, जिल्हा पंचायत, कन्नड व संस्कृती खाते आणि महानगरपालिका बेळगाव यांच्या संयुक्त विद्यमाने उद्या गुरुवार दि. 10 एप्रिल 2025 रोजी सायंकाळी 4 वाजता श्री भगवान महावीर जन्म कल्याण महोत्सव -2025 चे आयोजन करण्यात आले आहे.
कुमार गंधर्व रंगमंदिर बेळगाव येथे बेळगाव उत्तरचे आमदार असिफ (राजू) सेठ यांच्या अध्यक्षतेखाली होणाऱ्या सदर महोत्सवाच्या उद्घाटन समारंभास उद्घाटक म्हणून सार्वजनिक बांधकाम व जिल्हा पालकमंत्री सतीश जारकीहोळी आणि प्रमुख पाहुण्या म्हणून महिला व बालकल्याण खात्याच्या मंत्री लक्ष्मी हेब्बाळकर उपस्थित राहणार आहेत.
त्याचप्रमाणे सन्माननीय अतिथी म्हणून राज्यसभा सदस्य इराण्णा कडाडी, खासदार प्रियांका जारकीहोळी, खासदार जगदीश शेट्टर व खासदार विश्वेश्वर हेगडे -कागेरी, तसेच विशेष निमंत्रित पाहुणे म्हणून अशोक पट्टण, प्रकाश हुक्केरी, भरमगौडा कागे, महांतेश कौजलगी हे हजर असणार आहे.
श्री भगवान महावीर जन्म कल्याण महोत्सव -2025 निमित्ताने व्याख्यान, नृत्य, भजन वगैरे विविध कार्यक्रमांचे आयोजन करण्यात आले आहे
