बेळगाव लाईव्ह : कर्नाटकाचे मुख्यमंत्री सिद्धरामय्या यांनी पंतप्रधान मोदीं यांच्याकडे वीर राणी कित्तूर चन्नम्मा यांच्या समाधीला राष्ट्रीय स्मारक घोषित करण्याची विनंती केली आहे.
कर्नाटकचे मुख्यमंत्री सिद्धरामय्या यांनी पंतप्रधान नरेंद्र मोदी यांना बेळगाव जिल्ह्यातील बैलहोंगल तालुक्यात असलेल्या वीर राणी कित्तूर चन्नम्मा यांच्या समाधीला प्राचीन स्मारक आणि पुरातत्व स्थळे आणि अवशेष कायदा, १९५८ अंतर्गत राष्ट्रीय महत्वाचे स्मारक घोषित करण्याची औपचारिक विनंती केली आहे.
मुख्यमंत्र्यांनी लिहिलेल्या त्यांच्या पत्रात, मुख्यमंत्र्यांनी राणी चेन्नम्मा यांनी भारताच्या स्वातंत्र्य संग्रामात बजावलेल्या अतुलनीय भूमिकेवर प्रकाश टाकला आहे . १८२४ मध्ये ब्रिटिश औपनिवेशिक सत्तेविरुद्ध सशस्त्र प्रतिकाराचे नेतृत्व करणाऱ्या त्या पहिल्या महिलांपैकी एक होत्या. “त्यांचे शौर्य आणि बलिदान हे पिढ्यानपिढ्या प्रेरणादायी ठरले आहे,” असे सिद्धरामय्या म्हणाले.
त्यांनी पुढे नमूद केले की, ही समाधी केवळ विश्रांतीचे ठिकाण नसून भारताच्या स्वातंत्र्यासाठीच्या लढ्याचे ऐतिहासिक आणि सांस्कृतिक प्रतीक आहे. परंतु, त्याच्या महत्त्व असूनही, या स्थळाच्या संवर्धनासाठी योग्य प्रयत्नांचा अभाव आहे. राष्ट्रीय स्मारकाचा दर्जा मिळाल्यास त्याचे चांगले संरक्षण, वाढीव दृश्यमानता आणि सांस्कृतिक पर्यटनाला चालना मिळेल, ज्यामुळे स्थानिक अर्थव्यवस्थेला फायदा होईल.
चन्नम्मा समाधी स्थळ
मुख्यमंत्र्यांनी केंद्रीय सरकारला संस्कृती मंत्रालय आणि भारतीय पुरातत्व सर्वेक्षण (एएसआय) मार्फत ही प्रक्रिया जलदगतीने पूर्ण करण्याची विनंती केली, जेणेकरून या स्थळाला योग्य मान्यता आणि संरक्षण मिळेल असेही म्हटले आहे.
