बेळगाव लाईव्ह : चिकोडी शहरातील घरफोडी केलेल्या दोघा आंतरराज्य चोरट्याना जेरबंद करण्यात चिकोडी पोलिसांना यश आले आहे.
राजू प्रकाश मंजूळकर रा.नांदेड रा.महाराष्ट्र, बळीराम विश्वनाथ कूसळकर रा.सांगावी नांदेड असे चोरट्याचे नावे आहेत.
याबद्दल अधिक माहिती अशी की शहरातील राजीव नगरात 11डिसेंबर रोजी भार्गवि बसवंत कंटीकर (मुळगाव चिंचणी) यांचे घर अज्ञात चोरट्यानी फोडुन सोन्याची दागिने घेऊन लंपास केले होते.
याप्रकरणी चिकोडी सीपीआय एन सी काडदेवर यांच्या नेतृत्वाखाली पीएसआय सचिन दासरड्डी व अतिरिक्त पीएसआय सुनंदा तमगोंड, कर्मचारी एस जे बडीगेर, रेणुका मादर, गजानन कांबळे, एस पी गलगली, आर जी कुळोळी, एम पी सतीगेरी, सचिन चौगला, सुनील कुंभार, रमेश शीळनवर, टेक्निकल सेल विभागाचे विनोद ठकनवर यांनी तपास करून दोन आरोपींना जेरबंद केलें आहे.
यांच्याकडून 6.5 लाख रुपये किंमतीचे 100 ग्राम सोन्यचे दागिने जप्त करण्यात आले आहे. या कामगिरीबदल जिल्हा पोलिस प्रमुखानी चिकोडी पोलिसांची स्तुती केली आहे.