Friday, March 29, 2024

/

कोरोना रुग्णांवर आता त्या-त्या तालुक्यातच उपचार

 belgaum

कोरोनाग्रस्तांच्या वाढत्या संख्येमुळे सिव्हील हॉस्पिटलवरील ताण वाढला असून हा ताण हलका करण्याच्या उद्देशाने आता प्रत्येक तालुक्यामध्ये त्या -त्या ठिकाणच्या कोरोनाग्रस्त रुग्णांवर उपचार केले जावेत, अशी सूचना आरोग्य खात्याला देण्यात आली असल्याची माहिती मावळते जिल्हाधिकारी डॉ. के. हरीशकुमार यांनी काल रविवारी दिली.

सध्या कोरोना ग्रस्तांची संख्या वाढत चालली आहे. विशेष करून तालुक्यांमधील ग्रामीण भागात बहुसंख्येने कोरोना बाधित आढळून येत आहेत. त्यामुळे सिव्हील हॉस्पिटलवर अधिक ताण पडत आहे. त्यासाठी आता त्या -त्या तालुक्यातच कोरोनाग्रस्त रुग्णांवर उपचार केले जाणार आहेत. प्रत्येक तालुक्यात कोविड सेंटर उभारण्यात येणार असून तशी सूचना आरोग्य खात्याला देण्यात आली आहे, अशी माहिती जिल्हाधिकाऱ्यांनी दिली. बिगर सरकारी व खाजगी संस्थांना ऑक्सिजन पुरवठा करण्यावर निर्बंध घालण्यात आले आहेत. यासंदर्भात बोलताना खाजगी सेंटर ना किंवा घरी जाऊन ऑक्सिजन देणे हे बेकायदेशीर आहे. कायद्यामध्ये तशी कोणतीच तरतूद नाही, असे त्यांनी स्पष्ट केले.

ऑक्सीजन मिळाला नाही म्हणून अनेक जण तक्रारी करत आहेत. मात्र त्या योग्य नाहीत. कारण सिव्हिल हॉस्पिटल व खासगी हॉस्पिटल्सना व्यवस्थित ऑक्सिजन पुरवठा होईल यासाठी आमचे नेहमीच प्रयत्न राहिले आहेत. तथापी यासंदर्भात गैरसमज पसरविले जात असल्यामुळे समस्या निर्माण होत आहेत. तेंव्हा कोणीही जिल्हा प्रशासनाबद्दल गैरीप्रचार करू नये, असे आवाहनही मावळते जिल्हाधिकारी डॉ. के. हरीशकुमार यांनी केले.

 belgaum

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.