आता बेळगाव -हैद्राबाद थेट विमानसेवा

बेळगाव हून हैद्राबाद जायचे असल्यास स्पाईस जेट विमानाने तब्बल ३ तास ४० मिनिटे अवधी लागत होता शिवाय ते व्हाया चेन्नईहून हैद्राबाद ळा जावे लागत होते मात्र आता स्पाईस जेट बेळगाव हून थेट हैद्राबादला विमानसेवा सुरु करण्याचा निर्णय घेतला आहे. आगामी २५ मार्च पासून ही नवीन विमानसेवा सुरु होणार असून केवळ एक तास दहा मिनिटात बेळगावहून हैद्राबादला पोहोचता येईल.

एस जी ३४६२ बेळगाव हैद्राबाद ही विमानसेवा दररोज रात्री ७:३० वाजता येऊन रात्री ११:१० हैद्राबाद अशी जुनी सेवा होती मात्र आता नवी विमानसेवा २५ मार्च पासून दररोज सकाळी एस जी ३५६३ ११:४५ वाजता बेळगावला येऊन दुपारी १२:५५ वाजता ते विमान हैद्राबाद ला पोहोचणार आहे.
याच विमानाचा परतीचा प्रवास २५ मार्च पासून सकाळी १० :१५ वाजता बेळगावला असणार आहे.बेळगाव हून हैद्राबाद ला जलद प्रयाण करणाऱ्या प्रवाश्यांसाठी ही एक एक पर्वणी ठरणार आहे .