पतंगाच्या धारधार मांज्याने अखेर बेळगावात पहिला बळी घेतला असून मांज्यामुळे जखमी झालेला डॉक्टर युवकाचा उपचार सुरू असतेवेळी दुर्दैवी मृत्यू झाला आहे.
दीपक थोकचोम वय 23 मूळचा मणिपूर (सध्या शिकणार भरतेश होमिओपॅथिक मेडिकल कॉलेज बेळगाव) असे धारधार मांजाचा बेळगावातील पहिला बळी ठरला आहे.दीपक हा बेळगावात शिक्षणासाठी रहात होता मात्र त्याला पतंगाच्या मांज्यामुळे आपला जीव गमवावा लागला आहे.
गेल्या आठ दिवसांपूर्वी काकती जवळ बेळगावकडे दुचाकी वरून येताना मांज्या डोळ्याला लागून झालेल्या अपघातात डोळ्याला गंभीर इजा पोचली होती या घटने नंतर उपचारासाठी त्याला के एल इ इस्पितळात दाखल करण्यात आले होते.
के एल इ मध्ये डोळ्यावर शस्त्र क्रिया देखील झाली होती मात्र पुढील उपचारासाठी त्याला बंगळुरू येथे हलवण्यात आले होते मात्र बंगळुरू येथे उपचाराचा काहीही उपयोग न होता गुरुवारी सकाळी त्याचा मृत्यू झाला आहे.
मांज्या मुळे बेळगावात अनेक घटना होत आहेत मात्र पोलीस आयुक्तांनी काढलेल्या आदेशाचे अजिबात पालन होताना दिसत नाही आहे.मांज्या मुळे जर अपघात घडल्यास पतंग उडवणाऱ्या मुलांच्या पालकांवर गुन्हा नोंद करू असा आदेश पोलिसांनी काढलाय मात्र यावर अंमल बजावणी होऊन कारवाई करण्याची गरज निर्माण झाली आहे.अश्या घटना टाळण्यासाठी पतंग उडवण्यावर बंदी आणता येईल का याचा विचार झालाच पाहिजे.