किर्लोस्कर रोडवरील हा धोकादायक ट्रान्सफॉर्मर पहा. नवग्रह मंदिराच्या जवळ ही परिस्थिती आहे. पोल तुटून गेलाय आणि कधीही कोसळू शकतोय. काहीही झाले की पूर्णपणे हेस्कॉम जबाबदार राहणार आहे का? याचे उत्तर हेस्कोम च्या बेजबाबदार अधिकाऱ्यांनी देण्याची गरज आहे.
बेळगाव शहरात काम करणारे हेस्कोम चे अधिकारी आणि कर्मचारी ऐतखाऊ झाले आहेत की काय असा प्रश्न नागरिक विचारत आहेत, दुर्घटना घडण्याची शक्यता असतानाही धोकादायक स्थितीत तशीच परिस्थिती कायम ठेवण्याचा कारभार किती योग्य आहे असेही नागरिक बोलत आहेत.
बेळगाव शहर भागात ठीक ठिकाणी असे धोकादायक ट्रान्सफॉर्मर आहेत, त्यांचे सर्व्हे करून हेस्कोम अधिकाऱ्यांनी ते तातडीने बदलणे आवश्यक आहे पण तसे न करता त्या त्या ठिकाणी अतिशय धोकादायक स्थिती निर्माण करण्यात आली आहे.
या गोष्टीकडे वरिष्ठ अधिकाऱ्यांनी लक्ष देण्याची मागणी नागरिक करीत आहेत.
किर्लोस्कर रोड हा नेहमी गजबजलेला भाग असतो, त्याठिकाणी ट्रान्सफॉर्मर तुटून खाली पडला की किती नुकसान होईल याची कल्पना केली तरी अंगावर शहारे येऊ शकतात पण हेस्कोम चे अधिकारी काम न करता दुर्घटनेची वाट बघत आहेत की काय? असे परिसरातील नागरिकांतून बोलले जात आहे.
